किन गोप्य राख्न थालियो प्रधानमन्त्री र मन्त्रीहरूको सम्पत्ति विवरण ?

ओली नेतृत्वका मन्त्रीपरिषद्का सदस्यहरूको पनि सोही वेबसाइट मार्फत सम्पत्ति विवरण सार्वजनिक गरिएको थियो । ओलीपछि प्रधानमन्त्री बनेका कांग्रेस सभापति शेरबहादुर देउवा सरकारको पालादेखि प्रधानमन्त्री र मन्त्रीहरूको सम्पत्ति विवरण सार्वजनिक गर्न बन्द गरिएको थियो । हाल प्रधानमन्त्री प्रचण्ड र उनी नेतृत्वका मन्त्रीहरूको पनि सम्पत्ति विवरण पनि गोप्य राखिएको छ ।

प्रधानमन्त्री तथा मन्त्रीपरिषद् कार्यालयको वेबसाइटमा प्रधानमन्त्रीसहित २२ मन्त्री र ३ राज्यमन्त्रीको सम्पत्ति विवरण प्राप्त भएको उल्लेख छ, तर त्यसलाई सार्वजनिक भने गरिएको छैन । अघिल्ला सरकारमा पालामा सम्पत्ति विवरण प्राप्त भएपछि तत्काल वेबसाइटबाट सार्वजनिक गर्ने गरिएको थियो । सम्पत्ति विवरण सार्वजनिक नभएकोबारे प्रधानमन्त्रीको कार्यालयको धारण बुझ्न सूचना अधिकारी कविता फुयाँललाई सम्पर्क गर्दा उनको फोन उठे भने कार्यालयका प्रवक्ता नारायणप्रसाद भट्टलाई सम्पर्क गर्न हालसम्म उनको फोन नम्बर नै सार्वजनिक गरिएको छैन । अर्थात उनको कार्यालय र फोन नम्बर पनि गोप्य नै राखिएको छ ।