चिसोले कठ्यांग्रिएर मलंगवामा एक मजदुरको मृत्यु

लोकतन्त्र समाचारदाता—
सर्लाही,पुस १४
सर्लाहीको सदरमुकाम मलंगवामा  चिसोले कठ्यांग्रिएर एक मजदुरको मृत्यु भएको छ । मृत्यु हुनेमा मलंगवा नगरपालिका वडा न-३ बस्ने रामचन्द्र महतोको ४९ वर्षिय छोरा राम दुलार महतो रहेका छन् ।
घरको आर्थिक अवस्था कमजोर रहेकोले मलंगवा लगायत आसपासका गाँउ ठाउँमा मजदुरी गर्दै आएका महतको बुधबार राती साढे ९ बजे चिसोले कठ्यांग्रिएर मृत्यु भएको निजका छिमेकी सुवास साहले जानकारी दिए ।मृत्यु भएको दिन उनी मजदुरीको लागि गएको र सो दिनको मौसम पनि धेरै चिसो रहेकोले शरिरमा चिसो लागेर मृत्यु भएको साहले बताएको छ।
मृतक महतोको ५ छोरी र १ छोरा मध्येबाट २ छोरीको विवाह हुन बाँकी रहेको र १८ वर्षको छोरा बुवासँगै मजदुरी गर्दै आएको छिमेकीहरुले जनाएका छन् ।