दुई मेयर एमालेमा प्रवेश

जनता समाजवादी पार्टी (जसपा) नेपालबाट निर्वाचित भएका पर्सा जिल्लाका दुई जना स्थानीय तहका मेयर नेकपा एमालेमा प्रवेश गरेका छन् । वीरगञ्जमा मंगलबार एक कार्यक्रमबीच वीरगञ्ज महानगरपालिकाका मेयर राजेशमान सिंह र बहुदरामाई नगरपालिकाका मेयर सिंहासन साह तेलीले एमाले प्रवेश गरेका छन् । पर्सा जिल्लास्तरीय कार्यकर्ता भेला तथा पार्टी प्रवेश कार्यक्रममा एमालेका उपाध्यक्ष रामबहादुर थापा (बादल) ले मेयरद्वय सिंह र साहलाई एमाले पार्टी प्रवेश गराउँदै फुलमाला लगाएरु स्वागत गरेका थिए । मेयरद्वय सिंह र साहले पर्सा निर्वाचन क्षेत्र नम्बर–१ का प्रतिनिधिसभा सदस्य उम्मेदवार तथा पूर्वमन्त्री प्रदीप कुमार यादव निकट मानिन्छन् । पूर्वमन्त्री यादवको राजनीतिक यात्रासंगै उनीहरू पनि पार्टी परिवर्तन गर्दै आएको राजनीतिक वृत्तमा चर्चा छ । यसअघि पूर्वमन्त्री यादवले जसपा नेपालबाट अलग भइ अशोक राई नेतृत्वको जनता समाजवादी पार्टी गठन गर्दा पनि उनीहरू यादवकै साथमा रहेका थिए । सौजन्य जनकपुर टुडे