मेयर साह तथा उपमेयर ग्वारिन द्बारा एकैसाथ दुई विद्यालय भवनको शिलान्यास

विद्यानन्द राय…. सर्लाही,साउन ३२

हरिपूर्वा नगरपालिकाका मेयर तथा उपमेयरले एकैसाथ दुईवटा सामुदायिक विधालय भवन निर्माणको शिलान्यास गरेका छन ।

मेयर बिनोद साह तथा उपमेयर सुमिन्त्रा देवी ग्वारिनले संयुक्तरूपमा रामजानकी मा .वि सन्तपुर वसन्तपुर र वडा न-८ को कन्या विद्यालयको पुजा पाठ गरी शिलान्यास गरेका हुन कार्यक्रममा नगरपालिकाका प्रमुख प्रसासकिय अधिकृत सिकिन्द्र प्रसाद साहले भवन निर्माणको लागि संघीय सरकारको विशेष सशर्त अनुदान ८ करोड ५ लाख ९६ हजारको लागतमा भवन निर्माण हुने जानकारी गराउनु भयो।

उहाँले यो योजना बहुवर्सिय योजना भएकाले नगरपालिकाले आवश्यक ठानेमा रकम थप गरेर भएपनि योजना सफल बनाउने बताउनु भयो ।

त्यसैगरी वडा न- ८ मा रहेको कन्या प्रावि को तिन कोठे भवनको कुल लागत रु २५ लाख रहेको साहले जानकारी गराए।

शिलान्यास भइरहँदा सोही पालिका वडा न- ८ का केही व्यक्तिहरुले अवरोध खडा गर्न खोजेका थिए ।

तर प्रहरीको सहयोगमा तत्कालै विवादलाई साम्यपारी कार्यक्रम अगाडी बढाइएको थियो। शिलान्यास कार्यक्रममा नेपाल प्रहरी सशस्त्र प्रहरी, संचारकर्मी लगायत स्थानिय व्यक्तिहरुको उपस्थिति रहेको थियो ।

हरिपूर्वा नगरपालिकामा गएको दुई आ. व. देखि विकास निर्माणका सम्पूर्ण कार्यहरु ठप्प रहेको स्थानियहरुले वताएका छन् ।