विद्यालयको जग्गामा प्लटिङ गरेको भन्दै अख्तियारमा उजुरी

पछिल्लो समय विद्यालयले जग्गाको प्रयोगमा ध्यान नदिँदा अहिले प्लटिङ गर्ने र किनबेचसमेत हुन स्थिति आएको हो ।  उक्त उजुरीमा सिद्ध अधिकारीले विद्यालयको जग्गा विष्णु गिरीको मिलेमतोमा  दुरुपयोग गरेको आरोप लगाइएको छ ।

उता, आरोपित  अधिकारीले आफूले  दुई वर्ष अगाडि धर्मराज खनालसँग ११ कट्ठा जग्गा खरिद गरी अहिले बाटो बनाउने  काम गरेको रातोपाटीलाई बताए । उनले आफूले विद्यालयको  जग्गा नमिची उनीहरूले बनाएको सडकसँग जोड्ने काम मात्र गरेको  बताए ।

विद्यालयको जग्गामा खानेपानी टङ्की पनि निर्माण हुँदैछ । यस्तै केही ठाउँमा सडक खोलिँदै छ । तर यसबाट विद्यालय परिवार बेखवर जस्तै रहेको छ । विद्यालयका प्रधानाध्यापक विष्णुप्रसाद ज्ञवाली भन्छन्, ‘अहिले के भइरहेको छ, हामीलाई थाहा छैन  । हामीले त्यहाँबाट कुनै आयस्रोत नल्याएको पनि धेरै वर्ष भएको छ ।’

स्मरण रहोस्, हालै रुपन्देहीको सिद्धार्थनगरपालिका–१० स्थित शवदाह गृहको  जग्गा  अर्घाखाँचीका   गणेश  घिमिरेको नाममा रहेको  दुई दिनपछि  भैरहवाको अन्तर्राष्ट्रिय विमानस्थलका जग्गा पनि भूमाफियाहरूले  मालपोत कार्यालयसँग मिलेमतो गरी आफ्नो नाममा गराएको घटना बाहिर आएको थियो । उक्त दुवै घटनाको विषयमा अहिले  छानबिन चलिरहेको रुपन्देहीका प्रमुख जिल्ला अधिकारी गणेश अर्यालले बताए ।रासस