चिकित्सकमाथि कुटपिट प्रकरण : हेटौँडामा सर्वपक्षीय बैठक जारी

काठमाडौँ । हेटौँडा उपमहानगरपालिका १ स्थित सन्चो अस्पतालमा डयूटीमा खटिएका दुई जना चिकित्सकमाथि कुटपिटको विषयमा बिहीबार जिल्ला प्रशासन कार्यालयमा राजनीतिक दलसहितको सर्वपक्षीय बैठक बसिरहेको छ । अस्पतालका चिकित्सक डा। विकास थापा र प्रशान्त बिडारीमाथि बुधबार कुटपिट भएको मकवानपुर जिल्ला प्रशासन कार्यालयका अधिकृत सूचना अधिकारी सरोजप्रसाद पौडेलले जानकारी दिए ।

साउन २२ मा हेटौँडा पदमखोपरीका ४१ वर्षीय राजेश प्रधान सो अस्पतालमा डेंगु परीक्षण गर्दा उनलाई पोजेटिभ देखिएपछि डाक्टरले आराम गर्न घर पठाएका थिए । स्वास्थ्य बिग्रिएपछि प्रधान सोही अस्पतालमा भर्ना भएका थिए । प्रधानलाई थप उपचारका लागि भरतपुर अस्पतालमा लगिएको दुई दिनपछि मृत्यु भएको थियो । प्रधानको मृत्युपछि उपचारमा लापरबाही गरिएको भन्दै एक समूहले डाक्टरहरूमाथि कुटपिट गरेको अस्पतालले जनाएको छ ।

यता नेपाल चिकित्सक संघले डा। थापा र डा। विडारीले बिरामीहरूको उपचार गरिरहेको अवस्थामा साङ्घातिक आक्रमण गरी गम्भीर घाइते बनाइएको घटनाप्रति आपत्ति जनाएको छ । बिरामीका आफन्तले असामयिक निधन हुन गएको घटनालाई लिएर पहिला पनि क्षतिपूर्तिका लागि धम्की संघका महासचिव डा. सञ्जीव तिवारीले बताए ।