बरहथवाको मिलिजुली कृषक समूहलाई कृषि सामाग्री वितरण

लोकतन्त्र समाचारदाता—
सर्लाही,माघ १६
सर्लाहीको बरहथवा नगरपालिका वडा न-१४ हरिपुर्वा टोलमा रहेको मिलिजुली कृषक समुहलाई  प्रधानमन्त्री कृषि आधुनिकिकरण परियोजना कार्यान्वयन इकाई कार्यालय सर्लाहीले कृषि सामग्री वितरण गरेको छ ।
मिलिजुली कृषक समूहको आयोजना तथा बरहथवा नगरपालिकाका उपप्रमुख रामबाबु साहको प्रमुख आतिथ्यतामा एक कार्यक्रमको आयोजना गरि ईकाई प्रमुख राम बलम साहले समूहका अध्यक्ष श्रीनिवास कर्णलाई स्पेयर टंकी,मकै गोडमेल मेसिन,मकै चुन्ने मेसिन,किटनाशक,त्रिपाल,पानी तान्ने मोटर लगायतका कृषि सामाग्रीहरु हस्तान्तरण गरेको समूहका सदस्य जयनारायण साहले जानकारी दिएको छ।
किसानहरुलाई मकै चकलाबन्दीमा आधारित खेती मार्फत उत्पादन वृद्धिका लागि सहयोग पुर्याउने उदेश्यले ५० प्रतिशत अनुदानमा सो सामाग्रीहरु वितरण गरिएको इकाई प्रमुख साहले बताए ।
मिलिजुली कृषक समूहका अध्यक्ष कर्णको अध्यक्षतामा समूहका सदस्यहरुलाई एकदिने कृषि प्राविधिक तालिम समेत प्रदान गरिएको थियो।