गा.पा. अध्यक्ष रायद्धारा आगलागीबाट पिडित परिवारको घरमै पुगेर राहत बितरण

बखतियार अलि–

सर्लाही,चैत्र २६

सर्लाहीको एक दलित बस्तीमा सोमबार आगलागी हुँदा ६ वटा घर जलेर नष्ट भएको छ भने ५ वटा घरमा आंशिक क्षति पुगेको थियो ।

जिल्लाका बसबरीया गाउँपालिका वडा न. ३ भवानीपुर स्थित मुसहरी टोलमा सोमबार बिहान ११ बजे स्थानीय राम विश्वास माझीको घरबाट सल्किएको आगोले दलित समुदायको बसोबास रहेको उक्त बस्तीका ६ वटा घर जलेर पुर्णरुपमा नष्ट भएको छ भने ५ वटा घरमा आंशिक क्षति पुगे पछि बसवरिया गाउपालिकाले तत्काल राहत समाग्री बितरण गरेको पालिकाले जनाएको छ ।

आगलागीबाट धनमाल गुमाएका पिडित परिवारलाई बसबरिया गाउँपालिकाले तत्काल राहतको लागि राशन, त्रिपाल, भाँडाबर्तनका साथै नगद रु ११ हजार लगायतका राहत सामाग्री वितरण गरेको नि.प्रमुख प्रसासकीय अधिकृत चुनचुन प्रसाद यादवले जनाएको छ ।

बसवरिया गाउपालिका अध्यक्ष रामसिंहासन राय आफै पिडित परिवारहरुको घरदैलोमा पुगेर राहत बितरण गरेपछि स्थानीयहरुलाई ठुलो राहत मिलेको स्थानीयहरुले बताए ।

गाउपालिका अध्यक्ष रामसिंहासन रायले राहत बितरण गर्दै भने आगलागीबाट पिडित परिवारलाई पालिकाले सबै प्रकारको सहयोग गर्न तयार रहेको बताए ।