मेयरविरुद्ध फेसबुकमा लेखेको आरोपमा एक युवक पक्राउ

जनकपुरधाम असोज १९ , सामाजिक सन्जालमा मेयरको आलोचना गरेको आरोपका महोत्तरीका एक युवकलाई प्रहरीले पक्राउ गरेको छ । पक्राउ पर्नेमा महोत्तरीको जलेश्वर नगरपालिका ३ का ४० वर्षीय बद्रीनाथ झा छन् ।

जलेश्वर नगरपालिकाका मेयर सुरेश साह सोनारविरुद्ध सामाजिक सन्जाल फेसबुकमा लेखेको आरोपमा उनलाई पक्राउ गरेको महोत्तरीका प्रहरी प्रवक्ता डिएसपी दिलीपकुमार गिरीले जानकारी दिए ।