Loktantra Khabar National Weekly
Ad

माइती नेपालद्धारा मलंगवाको पब्लिक स्कुुलमा मानव बेचबिखन विरुद्ध सडक नाटक प्रदर्शन

लोकतन्त्र खबर
१० पुष २०७९


लोकतन्त्र समाचारदाता—-
सर्लाही,पुस ९
‘हाम्रो आवाज:चेलीबेटी बेचबिखनबाट मुक्त समाज’ भन्ने नाराका साथ माईती नेपाल सर्लाहीले सर्लाहीको सदरमुकाम मलंगवा नगरपालिका वडा न-२ स्थित श्री पब्लिक माद्यामिक विद्यालयमा जनचेतनामुलक सडक नाटक प्रदर्शन गरेको छ।
मानब बेचबिखन तथा ओसारपसार,लैंगिक हिंसा लगायत महिलाहरुमाथि हुने सबैखाले हिंसाहरु अन्त्यका लागि जनचेतना जगाउने उदेश्यले सडक नाटक प्रदर्शन गरिएको माइती नेपाल सर्लाहीका कार्यक्रम संयोजक अमीत यादवले बताए ।
कार्यक्रममा कलाकारहरुले मानव बेचबिखन बिरुद्धमा झण्डै १ घण्टा जनचेतनामुलक नाटक प्रदर्शन गरेका थिए ।नाटक हेर्ने पब्लिक स्कुलमा  मलंगवा नगर भित्रका अन्य विद्यालयका विद्यार्थीहरुलाई पनि आमन्त्रित गरिएका थिए।नाटक हेरिसके पछि विद्यार्थीहरुले यसमा देखाइएका कथाबस्तुलाई मनोरञ्जनको रुपमा नलिइ ज्ञानको रुपमा लिएको प्रतिक्रिया दिएका थिए।
कार्यक्रममा मलंगवा नपा वडा न-८ का वडाअध्यक्ष मुकेश जयसवाल, वडा न-९ का वडाअध्यक्ष चन्देश्वर राय लगायत सरोकारवाला संघसंस्थाका प्रतिनिधिहरुको उपस्थिति रहेको थियो।
विगत ३० बर्ष देखि महिला तथा बालबालिकाहरुको हक र अधिकार स्थापनाको लागि क्रियाशील रहेको  माईती नपालले देशको बिभिन्न सिमा नाकाहरुमा १८ वटा सीमा निगरानी तथा आवधिक गृह, २ वटा पुर्नस्थापना गृह, ३ वटा रोकथाम गृह, १ वटा बाल संरक्षण गृह, २ वटा हस्पिटल र १ वटा प्राथमिक उपचार केन्द्रहरुको  स्थापना तथा संञ्चालन गरेर मानव बेचबिखन तथा ओसारपसार बिरुद्धको आफ्नो अभियानलाई सशक्त बनाउदै आईरहेको कार्यक्रम संयोजक यादवले   जानकारी दिए।

प्रतिक्रिया दिनुहोस्: