डिस होम कर्पोरेट सुपर सिक्स क्रिकेट सिजन २ सुरु नगरप्रमुख नागेन्द्र प्रसाद यादवले उद्घाटन गरेको प्रतियोगिताको पहिलो खेलमा कुमारी बैंक र सहारा मल्टिपर्पस भिड्दै

मनोज यादव–
सर्लाही,पुस ९

डिस होम फाइबर नेट कोपरेट सुपर सिक्स क्रिकेट टुर्नामेट सिजन २ आज(सोमबार)देखि सर्लाहीको सदरमुकाम मलंगवामा शुरु भएको छ ।

मलंगवा नगरपालिकाको आयोजना तथा डिस होम फाइबर नेटका अधिकृत बिक्रेता लक्ष्मी इन्टरप्राइजेजको सहयोगमा संचालन भइरहेको प्रतियोगितामा नगरपालिकासहित मलंगवाका १० वटा बैंकहरुले प्रतिस्पर्धा गरिरहेका छन् ।

सोमबार बिहान ११ बजे प्रमुख अतिथि नगरप्रमुख नागेन्द्र प्रसाद यादव र विशिष्ट अतिथि वडा न-८ का वडाअध्यक्ष मुकेश जयसवालले ब्याटिङ र बलिंङ्ग गरेर प्रतियोगिताको उद्घाटन गरेका छन् ।

प्रतियोगिताको उद्घाटन खेलमा कुमारी बैंक र सहारा मल्टिपर्पस बिच प्रतिस्पर्धा भइरहेको छ।

मलंगवा नगरपालिका वडा न-१० स्थित तिनबिघे मैदानमा संचालन भइरहेको खेलमा कुमारी बैंक ,सहारा मल्टिपर्पस,नविल बैंक ,राजश्री सेविंग्स एण्ड क्रेडिट ,मलंगवा नगरपालिका ,हिमालयन बैंक ,एनएमबी बैंक ,प्रभु बैंक,प्रोग्रेसिभ फाइनान्स र एनआईसि एसिया बैंकका टिमहरु सहभागी भएको डिस होम फाइबर नेटका अधिकृत बिक्रेता लक्ष्मी इन्टरप्राइजेजका संचालक सुवास गुप्ताले जनाएको छ।

तिनबिघे मैदान क्रिकेट प्रेमी दर्शकहरुले खचाखच भरिएको छ।प्रतियोगिता भोली(मंगलबार) सम्पन्न हुनेछ।