‘जेरी अन टप’ मा सुरक्षा पन्त अनुबन्धित

सुयोग गुरूङको निर्देशनमा बन्न लागेको लभस्टोरी फिल्म ‘जेरी अन टप’ मा अभिनेत्री सुरक्षा पन्त अनुबन्धित भएकी छन्। निर्माण कम्पनी अनन्या फिल्मस् र अभिनेत्री पन्तबीच बुधबार सम्झौता भएको हो ।

‘महत्वपूर्ण भूमिकाको लागि सुरक्षाजी अनुबन्ध हुनुभएको छ,’ निर्माता सरोज न्यौपानेले भने, ‘उहाँको प्रवेशसँगै फिल्मको कास्टिङ लाइनअप थप मजबुद भएको छ ।’

यो फिल्मको प्रमुख कलाकारमा अभिनेता अनमोल केसीसँगै अभिनेत्रीहरू आँचल शर्मा र जसिता गुरुङ यसअघि नै अनुबन्ध भइसकेका छन्। निर्माता न्यौपानेले दर्शकको रोजाइ र चाख अनुसार फिल्म बनाउने बताए ।

यो फिल्मको निर्माणमा अनन्या फिल्मस्’सँग दिपक भण्डारी, रविन शेरचन र रामकृष्ठ श्रेष्ठ जोडिएका छन् भने एसोसिएट निर्मातामा ओम अग्रवाल र विवेक थापा छन् ।

‘जेरी अन टप’ को कथा हेमराज बिसीको हो। फिल्मको स्क्रिप्टमा चर्चित कथावाचक साइग्रेस पोखरेल पनि जोडिएका छन्। फिल्म यसै साताबाट फ्लोरमा जान लागेको जनाइएको छ ।

फिल्मको प्रदर्शन भ्यालेन्टाइन्स डेको अवसर पारेर फागुन २ गतेलाई तय गरिएको छ। सेतोपाटी