सिन्धुलीमा बोलेरो दुर्घटना हुँदा तीनजनाको मृत्यु, १२ जना घाइते

कमलामाई नगरपालिका– २ चियाबारीमा सवारी दुर्घटना हुँदा तीनजनाकाे  मृत्यु भएकाे छ। बिहीबार गोलन्जोर– ६ हैवार–नाकाजोलीबाट सिन्धुलीमाढीतर्फ आउँदै गरेको बाेलेरो चियाबारीमा दुर्घटना भएको हो।

दुर्घटनामा गोलन्जाेर गाउँपालिका– ६ का उदय लुंगेली मगर र पृथ्वी भुजेलको घटनास्थलमै मृत्यु भएको थियो। पवन मस्रांगीको उपचारको क्रममा सिन्धुलीको अस्पतालमा मृत्यु भएको छ। दुर्घटनामा परी अन्य १२ जना घाइते भएका छन्।

बा.२०च ८२८३ नम्बरको बाेलेरो दुर्घटना भएको प्रहरीले बताएको छ।  घाइतेलाई सिन्धुली अस्पतालमा प्राथमिक उपचार गरी थप उपचारका लागि काठमाडौं पठाइएको प्रहरीले बताएको छ।

गोलन्जोर गाउँपालिकाबाट सिन्धुलीमाढी तरकारी लिएर आउँदै गरेको डबल क्याप बाेलेरो दुर्घटनामा परेको प्रहरीले बताएको छ। नयाँ पत्रिका