क्रिकेट प्रतियोगितामा सर्लाही क्याम्पस विजयी

लोकतन्त्र समाचारदाता—
सर्लाही,फाल्गुन २८

स्वतन्त्र विद्यार्थी युनियन सर्लाही क्याम्पसले आयोजना गरेको क्रिकेट प्रतियोगितामा सर्लाही क्याम्पस विजयी भएको छ।

स्ववियु सर्लाही क्याम्पसका अध्यक्ष धर्मेन्द्र राय टाकाको अध्यक्षतामा आयोजना भएको उक्त प्रतियोगितामा जनज्योती बहुमुखी क्याम्पस लालबन्दीलाई १२३ रनको फराकिलो स्कोरमा हराउँदै सर्लाही क्याम्पस विजयी भएको कैशर मिकरानीले जनाएको छ।

सर्लाही क्याम्पसका खेलाडीले जनज्योतीलाई २२० रनको लक्ष्य दिएकोमा जनज्योतीका खेलाडी ९७ रनमा अलआउट भएका थिए।