बैंकिङ प्रणालीबाट ३० अर्ब खिच्दै राष्ट्र बैंक

काठमाडौं, १० फागुन । नेपाल राष्ट्र बैंकले बैंकिङ प्रणालीबाट आइतबार ३० अर्ब रुपैयाँ खिच्ने भएको छ । निक्षेप संकलन उपकरणमार्फत ८७ दिने अवधिका लागि सो रकम खिच्न लागिएको हो । बोलकबोल माध्यमबाट ब्याजदर तय हुनेछ । यो रकमको परिपक्व अवधि आगामी जेठ ६ गते हुनेछ । बैंक तथा वित्तीय संस्थाले न्यूनतम १० करोड र बढीमा सबै रकमसम्मको लागि प्रस्ताव गर्न सक्नेछन् । न्यून कर्जा प्रवाहका कारण बैंकिङ प्रणालीमा अधिक तरलता कायम रहेपछि राष्ट्र बैंकले लामो अवधिको निक्षेप संकलनलाई समेत प्राथमिकता दिएको छ । सौजन्य अनलाइनखबर