वीरगञ्ज बजारमा पसल व्यवसायको गिरावट : बढ्दो प्रतिस्पर्धा र खुला सीमाना प्रमुख कारण

वीरगञ्ज, । वीरगञ्ज महानगरपालिकाको बजारमा पसल व्यवसाय गर्नेहरूको सङ्ख्या दिन प्रतिदिन घटिरहेको छ। व्यवसायीहरूको भनाइ अनुसार यस गिरावटको मुख्य कारण आर्थिक मन्दी, बढ्दो प्रतिस्पर्धा, खुला सीमाना, र उपभोक्ता खर्चमा कमी रहेका छन्।

वीरगञ्ज बजारमा व्यवसायीहरूले नयाँ प्रविधि र अनलाइन व्यापारमा सामन्जस्य गर्न नसक्दा थप समस्याहरू देखा परेका छन्। स्थानीय व्यवसायी धर्मनाथ सर्राफका अनुसार, “अहिलेको अवस्थामा ग्राहकहरूको माग घटिरहेको छ, र हामीले पाएको नाफा पनि कम हुँदै गइरहेको छ। किनभने खुला सीमानाका कारण भारतको रक्सौलमा सामान सस्तोमा पाइन्छ, जसले गर्दा वीरगञ्जको बजारभन्दा रक्सौलको बजारमा भीड़ हुने गरेको छ।”

खुला सीमाना र सामानको सस्तो मूल्यले गर्दा उपभोक्ताहरू रक्सौलतिर आकर्षित भएका छन्। यसले गर्दा वीरगञ्ज बजारमा उपभोक्ताहरूको कमी महसुस गरिएको छ। किराना, लत्ताकपडा, हाडबेथर किचन आइटम र अन्य सामान्य वस्तुहरूको महँगो मूल्यले गर्दा ग्राहकहरू वीरगञ्जमा सामान किन्न नआउने गरेका छन्।

इसबै सामग्री रक्सौलबाट केरीयर मार्फत मगाएर व्यवसायीहरूले आफ्नो व्यवसायलाई कायम राख्न विभिन्न उपायहरू अपनाइरहे पनि, प्रतिस्पर्धा र उपभोक्ता खर्चमा कमीले गर्दा तिनीहरूलाई कठिनाइ भोग्नुपरेको छ। वीरगञ्ज महानगरपालिकाले व्यवसायीहरूलाई सहयोग पुर्‍याउने प्रयास गरिरहेको भए तापनि, व्यवसायमा गिरावट रोक्न तत्काल समाधान आवश्यक देखिन्छ।