हरिपुर नगरपालिकाको १३ औं नगरसभा शुरु ६६ करोड भन्दा बढि बजेट प्रस्तुत

बखतियार अलि– सर्लाही १० असाढ

सर्लाहीको हरिपुर नगरपालिकाले आफनो १३ औं नगरसभा विधिवत रुपमा सोमवार देखि शुरु गरेको छ ।

आर्थिक वर्ष २०८१र२०८२ लागि नीति कार्यक्रम तथा अनुमानित आयव्यय पस्तुत गर्दै नगर प्रमुख गोपाल पजियारले ६६ करोड ६३ लाख ५६ हजार बराबरको अनुमानित बजेट पेश गरेका छन ।

जसमा वितिय समानीकरण तर्फ रु ११ करोड ६९ लाख रहेको छ ।

राजस्व बाडफाडबाट १० करोड ४५ लाख आम्दानी हुन सक्ने अनुमान गरिएको छ । हरिपुरको सशर्त अनुदानमा ३१ करोड १५ लाख ६३ हजार रुपैया रहेको छ ।

जम्मा बजेटको लगभग आधा रकम सशर्तमा रहेको छ । जुन अहिले सम्मकै ठुलो रकम रहेको देखिन्छ ।

मधेश प्रदेश सरकारको अनुदान रु. ३ करोड ७९ लाख २८ हजार रहेको छ । आन्तरिक राजस्वबाट १ करोड १७ लाख ६५ आम्दानी हुने आकलन गरिएको छ ।

खर्च तर्फ हरिपुर नगरपालिकाको कार्यालय संचालन तथा कर्यालय संचालन तर्फकै पुजिगत खर्च गरि १९ करोड ३० लाख रुपैया रहेको जनाईएको छ ।

नगरप्रमुख गोपाल पजियारले प्रस्तुत गर्नु भएको नीति तथा कार्यक्रममा आ. व. २०८१ । ०८२ मा सबै पक्ष र समुदायको विशेष ख्याल गरि नगरको चौतर्फी विकासको धारण अनुरुप बजेट बिनियोजन गरिएको वहाले बताउनु भयो ।

कार्यक्रममा स्वागत मन्तव्य व्यतm गर्दै उपसचिव, प्रमुख प्रशासकीय अधिकृत ओम प्रकाश महतोले भने लोकतन्त्रको सौन्दर्य भनेकै संघियता हो ।

देशमा लोकतन्त्र गणतन्त्र आएपछि देशमा गाउ–गाउमा सिंह दरबारको परिकल्पना स्वरुप अहिले पालिकाहरु द्रुत गतिमा काम गरि रहेको छ ।

पालिकाहरुले काम गर्न थालेपछि आमजनताले सुविधा पाएका छन । यधपी सुविधा संगै चुनौतीहरु पनि बढदै गएको प्रमुख प्रशासकीय अधिकृत महतोले बताउनु भयो । अहिले पनि पालिकाहरु आत्मनिर्भर बन्न सकेका छैन ।

संघ तथा प्रदेश माथि स्थानीय सरकार आश्रित बन्नु कदापी सुखद पक्ष नरहेको अधिकृत महतोले भने । कार्यक्रममा ९ वटै वडाका वडाअध्यक्ष, सदस्य तथा कर्मचारीहरुको बाक्लो उपस्थिती रहेको थियो ।

संविधान सभा सदस्यद्धय रामचन्द्र चौधरी तथा रन्जना सरकारको प्रमुख आतिथ्यतामा कार्यक्रम शुरु भएको थियो भने कार्यकमको संचालन हरिपुर नगरपालिकाका शिक्षा शाखा प्रमुख नागेश्वर रायले गर्नृु भएको छ ।