विभिन्न मुद्दामा फरार २५ जना प्रतिवादी पक्राउ

लोकतन्त्र समाचारदाता—
सर्लाही,बैशाख १६

सर्लाही प्रहरीले विभिन्न मुद्दामा अदालतबाट कैद फैसला भई फरार रहेका विभिन्न मुद्दाको २५ जना फरार प्रतिवादीलाई पक्राउ गरेको छ ।

जिल्ला प्रहरी लगायत मातहतका कार्यालयबाट खटिएका प्रहरी टोलीले बैशाख १२ गते १९ जना र बैशाख १३ गते ६ जना फरार प्रतिवादीहरुलाई पक्राउ गरि आवश्यक कारवाहीको लागि सर्लाही जिल्ला अदालतमा बुझाएको हो।

जिल्ला प्रहरी कार्यालय सर्लाहीले दिएको जानकारी अनुसार बैशाख १२ गते पक्राउ पर्नेहरुमा जिल्लाको पर्सा गाउँपालिका वडा न-६ बस्ने जगरनाथ राय यादव,सोही ठाउँ बस्ने रामबृक्ष राय, जयनारायण राय यादव, रामनन्दन राय, सिता देवी राय,जितेन्द्र राय, पिंकु कुमारी,अनिता कुमारी, रुबि कुमारी, सुकमरिया देवी रहेका छन् ।त्यस्तै जिल्लाकै सिमरा-६ बस्ने बिश्वनाथ राय (पप्पु राय),अनिल राय, राजाराम राय , सिसौटिया-३ बस्ने भिखारी राय यादव, हरिपुर्वा-६ बस्ने शुशिल कुमार राय, सुरेन्द्र राय भन्ने रबिन कुमार राय,नरेश राय ,हरिपुर न.पा-५ बस्ने मन्सुर कईमुन र मलंगवा न.पा वडा न-१२ बस्ने लिलमदेवी पासवान रहेका छन् ।

त्यस्तै बैशाख १३ गते पक्राउ पर्नेहरूमा बिष्णु गाउँपालिका वडा न-८ बस्ने रामनाथ राय यादव, लालबाबु राय यादव, हजरिया-९ बस्ने राम हृदय महतो,हरिपुर न.पा-६ बस्ने सुमन मंसुर,सोही पालिकाको वडा न-५ बस्ने भिखारी मिया मंसुर र कविलासी न.पा-१० बस्ने संजिव राय रहेको प्रहरीले जनाएको छ।