उनले यसबारे जिल्ला प्रहरी कार्यालय, सुनसरी र प्रहरीको साइबर ब्यूरोमा पनि अनुसन्धान गरिदिन भन्दै जाहेरी दिएका छन् । जाहेरीमा उल्लेख भएअनुसार, आमा रुसनीदेवीको लुम्बिनी विकास बैंक इनरुवामा भएको पैसा काठमाडौंको अफसोर सफ्ट टेक प्रालिमा गएको देखिएको छ ।
शिवनन्दनबाट चोरिएको पैसा भने पारेश्वर थापा नामक व्यक्तिको सनराइज बैंकको खातामा ट्रान्सफर भएको देखिएको प्रहरीले जनाएको छ ।
शिवनन्दनकी आमाको पैसा ट्रान्सफर भएको अफसोर सफ्ट टेक प्रालिले पनि आफ्नो खातासमेत ह्याक भएको बताएको छ । त्यो खाताको विवरण हेर्दा त्यहाँ गएको पैसा समेत पारेश्वर थापा क्षेत्रीको नाममा गएको देखिएको छ ।
साइबर ब्यूरोले भने भीपीएन प्रयोग गरेर अमेरिकाको लोकेसनबाट ह्याक भएको देखिएको जानकारी गराएको छ । शिवनन्दनले भने प्रहरीले गम्भीरतापूर्वक अनुसन्धान नगरेको बताएका छन् ।
उनी भन्छन्, ‘समयमै बैंकले पैसा रोकिदिएको भए अहिले यस्तो हुने थिएन, प्रहरीले पनि गम्भीरतापूर्वक हेरेको छैन ।’ पैसा जति सबै ह्याकरले लगेपछि आफूहरु समस्यामा परेको उनी बताउँछन् । अनलाइन खबर
